Í gær var sett einhvers konar met, það var í fyrsta sinn sem keppandi fær fullnægingu í þrjár mínútur samfellt á sviðinu í júróvisjón. En það dugði líka svona svakalega vel. Hamingjan skilaði sér heim í stofu og skaut Frikka og Gínu upp í úrslit. Það verður bara meira fjör, besta mál.

Ég hef ákveðið að halda með Azerbaijan á morgun. Það er eiginlega bara of skemmtilegt til að sleppa því Ég hló mig máttlausan yfir eigin fyndni hvað eftir annað á meðan ég bjó til kynningarefnið. Líklega er það nú samt barasta einkahúmor sem enginn skilur. Elnur og Samir eru samt klárlega mínir menn í þessari keppni.

Nú þurfum við bara að vona að allar þessar norðurlandaþjóðir asnist til að gefa okkur einhver stig. Ég treysti á tólfu frá Norðmönnum, þeim er illa við Svía, skilja ekki Dani og Finnar eru önnur dýrategund fyrir þeim. Danir gætu gefið okkur svona 8-12 út á gamalt og gott samviskubit, Finnar eru óútreiknanlegir ruglukollar en henda einhverju í okkur ef þeir komast að því að það sé hægt að dansa tangó við lagið, en bévaðir Svíarnir fara ekki upp fyrir 6 stiga múrinn frekar en venjulega. Svíar eru nefnilega gáfaðri en Íslendingar. Þeir skilja allir sem einn að það er heimskulegt að kjósa keppinaut í svona keppni. Þannig að það verða 3-6 stig frá Svíum. Íslendingar munu hins vegar annað hvort vera óforbetranlegir cóarar og gefa Dönum 12 stig (af óskiljanlegum miðaldra ástæðum), eða Finnum sem væri bara fínt. Ef við hins vegar eyðum svo sem einu skitnu stigi á Charlotte Perrelli þá erum við enn vitlausari en ég hélt. Hún er ekki bara keppinautur, hún er vampíra.

Þetta myndband af fyrstu æfingu Eurobandsins í Belgrad hefur síst vakið trú mína á að Ísland komist upp úr riðlinum sínum í ár. Þetta atriði vantar svooooooooo dansara að það er ekki fyndið. Að henda út dönsurunum fyrir þessa hreyfingarlausu bakraddatrjádrumba sem þarna sjást í bakgrunni hlýtur að vera einhvers konar Íslandsmet í júróvisjónheimsku. En ekki taka mín orð fyrir því…kíkið bara sjálf:

Og bara svona til svolítils samanburðar vil ég benda á fyrstu æfinguna hjá aðal danspoppsamkeppni Íslendinga um að komast upp úr þessum riðli, Úkraínu. Svolítil munur, eða hvað finnst fólki? Hreyfingarlausar bakraddir með míkrafónstanda? Sorrí, bara ekki að gera sig gegn þessu hressa stöffi.

Þá er farið að styttast í Júró og ekki seinna vænna að setja fram offissíal spá fyrir undanúrslitariðlana tvo sem fara fram 20. og 22. maí. Tíu lög fara upp úr hvorum riðli þannig að samkeppnin er heví. Reyndar eru óvenju mörg ógeðslega léleg lög í ár svo að það hjálpar aðeins með valið. Opinber spá besserwissakademíunnar fyrir undanúrslitariðlana 2008 er sem hér segir:

Fyrri riðillinn 20. maí:
Fyrri riðillinn er mun óútreiknanlegri en sá seinni…allt of margar vafasamar breytur í þessum riðli svo að ég reikna fastlega með að þessi spá verði úti á túni að stórum hluta.

Eistland. Ó. Geðs. Legt. Lag. En þessir karlar komast áfram á fíflafaktornum. Þeir eru fífl. Kjósendur eru fífl. It’s a match made in heaven.

Azerbaijan. Evrópa mun elska Elnur og Samir. Þeir eru svo ótrúúúlega skelfilegir að þeir fara í heilan hring og verða algert æði. Þeirra performans er klárlega mómentið sem allir bíða eftir í þessari keppni.

Pólland. Konan sem lítur út eins og hestur. Sætur hestur samt, með ágætt lag og svo auðvitað réttu megin við járntjaldið.

Írland. Mér er þvert um geð að hafa þetta ömurlega fiðurfé á þessum lista, en það eru hverfandi líkur á að þetta komist ekki áfram. Það eina sem gæti komið í veg fyrir að þetta prumphænsn komist í úrslit er að heimskingjar allra landa sameinist um Leto Svet. En það gæti auðvitað líka orðið akkúrat öfugt. Ég ligg á bæn. um kalkúnaslátrun í ár.

Andorra. Stórfínt lag. Svo mörg voru þau orð.

Bosnía & Herzegovina. Stórskemmtilegt lag með stórskrýtnum flytjendum. Alveg bráðgott Balkangrín með alvarlegu ívafi. Rennur ljúflega áfram í úrslit.

Armenía. Title contender. Quele quele verður í toppbaráttunni í úrslitum. Topp fimm í það minnsta, líkega topp þrír. Klárt áfram hér.

Finnland. Ætla að skjóta á Finnana áfram. Ekki viss samt. En ég held að rokkið verið ballöðunum yfirsterkara í ár.

Rússland. Og hér er undantekningin sem sannar regluna. Dima verður í topp þremur með Armeníu og, hvað? Serbíu? Kemur í ljós. Rússland er alla vega pottþétt með gull silfur eða brons í ár.

Grikkland. Þjóðlagapopp með sætri steplu. Það gerir góða hluti eins og venjulega.

Seinni riðillinn 22. maí:

Svíþjóð. Það er eitthvað við þetta kreisí-ass sænska dívuattitjúd sem kemur kerlingum eins og Carolu og Charotte Perrelli áfram í svona keppnum. Júró elskar þetta stöff. Við hin neyðumst til að sætta okkur við það þrátt fyrir að lögin séu oft á tíðum undir pari. Fyrir utan Invincible auðvitað, sem er fráááábært lag.

Tyrkland. Það er bara of mikið af tyrkjum út um allt í Evrópu til að þetta lag fari ekki áfram. Auk þess eru þessir gaurar álíka frægir og Green Day á sínum heimaslóðum. Bókaðir áfram.

Úkraína. Þetta lag verður á topp tíu í úrslitakeppninni, sannið til. Þetta er bara lag sem virkar í júró. Svo er Ani Lorak heldur ekkert ógeðslega ljót…

Albanía. Svona miðað við BalkanskagaBallöður yfirleitt þá er þetta ekkert Lane Moje sko…en það er engin önnur BalkanBallaða í þessum riðli svo allir BalkanBallöðuBoltarnir neyðast til að kjósa þetta. Bingó.

Lettland. Sjóræningjar virka. Sættið ykkur við það. Svo er þetta bara ágætt lag líka. Alla vega töluvert skára en Jeronimas leðurbuxi og portúgalska konan sem er alveg að sofna allan tímann.

Króatía. Ef 75 cents fer ekki áfram þá er bara eitthvað rangt í veröldinni. Svo einfalt er það. Topp tíu kandídat í lokakeppninni.

Búlgaría. Ó, Búlgaría, Búlgaría. Hvað eruð þið að pæla. En þetta lag er sönnun þess að eftir Lordi er allt leyfilegt í þessari keppni. Og crowdið mun fíla það.

Malta. Þétt bít, hratt aksjón og ókynæsandi karlar sem þykjast vera rússar og segja Nostrovnje á réttum stöðum? Uppskrift að árangri. Klúbbahittari. Ömurlegt lag samt.

Kýpur. Femme Fatal. Total milf. 12 stig frá Grikklandi. Getur ekki klikkað.

Makedónía. Þetta er svona spurning um Makedóníu eða Sviss. Sviss er klárlega betra lag, byrjar vel en leiðist svo út í tóma meðalmennsku þegar þetta steríla trommubít kemur inn í það. Makedónía er klárlega ömurlegt lag, en breikdansandi Justin Timberlake wannabe gaurarnir munu fleyta því áfram. Það eru bara of margir tóndaufir heimskingjar sem kjósa í þessari keppni.

Glöggir lesendur taka eftir því að Ísland hlýtur ekki náð fyrir augum akademíunnar í ár. Ástæðan er rangar ákvarðanir. Þetta lag þarf dansara á sviðinu. Selma hefði ekki lent í öðru sæti með tvo stráka að syngja aaaaaaaaaaaaahhhhhhhh úúúúúúúúhhhhhh á réttum stöðum. Sorry gæs, en bakraddir skipta bara ekki skít máli í þessari keppni. Það er showið sem virkar.

Svona til samanburðar skal sett hér spá íslendku júróspekinganna um íslenska riðilinn sem var kláruð á laugardaginn:

Lesendur eru hvattir til að senda inn sína spá fyrir 20. maí. Vegleg verðlaun eru í boði eins og venjulega fyrir þá sem geta flest rétt lönd áfram.

Hér skal júrónördum bent á að official vídeóin eru nú farin að tínast inn hægt og rólega. Þau eru að sjálfsögðu öppdeituð á júró2008 síðunni (hér til hægri) eftir því sem þau birtast. Bara svona fyrir þá sem hafa jafn lítið við líf sitt að gera í páskafríinu og ég…

Í öðrum fréttum er það helst að paunksveitin Vafasöm síðmótun hyggst halda tónleika í næstu viku til að marka endanlega útgáfu plötunnar Paunkkk, sem aldrei fór opinberlega í sölu í stórum stíl fyrr en nú. Þið fylgist að sjálfsögðu spennt með og mætið á paunktónleika full haturs á helvítis kerfinu…

Einmitt hér, á besserwissi allra landsmanna, hvar annarsstaðar? Smellið bara á flipann “Júró2008” hérna efst til hægri og berjið dýrðina augum. Góða skemmtun.

Þar sem Íslenska undankeppnin er í kvöld er aðeins búið að vera að hita upp með því að rifja upp gamla standarda frá liðnum árum. Datt í hug að skella hérna inn nokkrum af þeim lögum/atriðum sem af ýmsum ástæðum hafa verið í uppáhaldi hjá mér í gegnum tíðina en hafa ekki unnið.

Fæst orð hafa minnsta ábyrgð. Mig langar að segja svo margt um þetta hryllilega lag að mér bara fallast hendur…veit ekki hvar ég ætti að byrja. Góðir gestir, framlag Eistlands til Júróvisjón 2008 gerið svo vel:

Nú er Júrósísonið að byrja fyrir alvöru, einhver 10 lönd að ákveða lög um helgina, undankeppnir í fullum gangi og svona. Því er ekki úr vegi að kíkja á það skemmtilegasta sem hefur verið í boði í hinum ýmsu undankeppnum að undanförnu. Fyrst skal fremsta telja söngstjörnuna Aynur Iskenderli frá Azerbijan (hver vissi að Azerar væru Evrópubúar…sennilega ekki einu sinni þeir sjálfir).

Aynur þessi syngur hér hið undurblíða ástarlag sitt Don’t Forget My Love. Það er einhvers konar undarlegur bræðingur af asískum og evrópskum tónsmíðahefðum, ekki beínlínis hlustavænt að vísu, en áhugavert engu að síður. Sérstaklega bendi ég fólki á að gefa þessu séns þar til kemur að viðlaginu, en þar kikkar feitt inn eitt svakalegasta Mezzoforte fönkbassa-saxófón combó sem heyrst hefur síðan 1987. Besserwissið heldur með Aynur í Azerbijönsku undankeppninni, það er ekki spurning!

Loksins kom það sem ég (og fleiri) hef beðið eftir í mörg ár! Alvöru íslenskt Eurotrash í Júróvisjón! Hohoho we say Heyheyhey er náttúrulega svo brakandi gullin snilld að það hálfa væri nóg. Þetta lag hefur algerlega þennan sveitta Makedóníusjarma sem við vildum sjá. Þéttur Bassi Úmpfff Úmpfff Krispí Taktur Tssshhh Tssshhh með fullt af olíubornum berum að ofan gæjum, mátulega trassjí lúkking söngkonu, olíutunnutrommum, scooter hljómborði, ógeðslega einfaldri og instantlí katsjí laglínu sem þýðir ekki neitt og allir geta tengt við, Ceres4 hoppandi og skoppandi og síðast en ekki síst, glimmersprengju í lokin. Þetta lag er feitasta Júroklisja sem ég hef séð í langan tíma, akkúrat það sem okkur vantaði í þessa keppni. Og það sem meira er, Júrónördarnir á Esctoday.com eru bara frekar sáttir! Ég fer í massafýlu ef þessi súpersnilld verður ekki send til Serbíu. Massafýlu! Barða á blaðamannafundina takk.

Fann þetta á netinu…sigurlög Júró í gegnum árin tekin í syrpu af tveim finnskum dragdrottiningum… þraukið eftir Carolubrandaranum í lokin…

Ég er búinn að vera að pæla soldið í júróúrslitunum, þar sem mér þþykir tapsæri fólks vera gersamlega út úr kortinu eftir síðusti keppni. Allt mafíukjaftæðið er svo brjóstumkennanlegt að það er ömurlegt. Þannig að ég var soldið að spá í að skrifa eitthvað um þetta… en rakst þá á grein sem segir eiginlega bara nákvæmlega allt sem ég vildi koma á framfæri varðandi þetta. Greinin er eftir þann mæta mann Björn Braga Arnarson (skemmtilegt það) og hljómar einhvern veginn svona:
http://panama.is/index.php?action=folkid&id=5172

Ég mæli með því að fólk lesi þetta, því þarna kemur meðal annars fram svart á hvítu, að ef bara vestur-Evrópuþjóðirnar hefðu kosið í Lokakeppninni, þá hefðu úrslitin orðið svona:

1. Tyrkland
2. Serbía
3.Ungverjaland
4. Svíþjóð
5. Úkraína
6. Grikkland
7. Rússland
8. Finnland
9. Búlgaría
10. Bosnía

…og þegiði svo.

Djöfull missti Eiki Hauks kúlið eftir keppnina í gær. Það er ekki rokk að fara í fýlu og tala um mafíu Eiki, ekki rokk!

Og hvað er fólk að væla yfir því að austur Evrópulöndin séu að eyðileggja keppnina? Ég veit ekki betur en að allavega 7 af þessum tíu lögum sem komust áfram hafi borið af, hvort sem þau komu fá Austur eða Vestur Evrópu. Vildi fólk frekar sjá shittið sem Sviss sendi komast áfram? Eða rauðfiðruðu demantahænurnar frá Austurríki? Nei takk. Ef við skoðum þessi “Vestrænu” lög sem komust ekki áfram þá er nú ekki um auðugan garð að gresja: Sviss og Austurríki voru hörmung. Holland alveg ótrúlega boooooring, Noregur komst þokkalega frá sínu, en feisum það bara að kjólaskiptin voru í raun það eina sem var gott hjá þeim. Lagið var lítið spes. Portúgal var sama hörmungin og venjulega og Malta var á sviðinu fremur óaðlaðandi þó lagið hafi verið ágætt. Þá standa eftir Ísland sem við erum einfaldlega ekki dómbær á vegna hlutdrægni, Danmörk sem kom betur út en von var á og var frekar fínt bara, og Kýpur sem var sterkasta V-Evrópuframlagið í undnaúrslitunum. Þannig að í rauninni má segja að eina stórkostlega sjokkið í þessu öllu saman hafi verið að Moldavía fór áfram en ekki Kýpur. Þannig að allt þetta fár er eitt ferlega stórt overreaction yfir engu.

Og gott fólk, slakið aðeins á með yfirlýsingarnar um að Vestur-Evrópa “eigi barasta engan séns lengur út af þessari austantjaldsmafíu”. Ég veit ekki betur en að Vestur-Evrópuríki hafi unnið tvö ár í röð? Finnar í fyrra og Grikkir þar áður. Hvernig væri að sætta sig bara við að það eru fleiri í veröldinni en Vestur Evrópa og viðurkenna að þessi nýju lönd eru að senda fína mússík í keppnina og það er bara gott mál. Við þurfum barasta að semja betri lög til að komast áfram. Og ef það er ekki bara fínt challenge þá veit ég ekki hvað. Og hættiði svo þessu helvítis væli.

Júrópantanalistinn fyllist hægt og bítandi. Nú eru eftirfarandi lönd uppöntuð:

• Búlgaría
• Finnland
• Lettland
• Rúmenía
• Serbía
• Spánn
• Svíþjóð
• Ungverjaland

Æsa pantar Ungverjaland!
—
Aldrei hefði ég trúað því að óreyndu að ég gæti skemmt mér vel yfir norskri bíómynd. En Elling er alveg hreint fáránlega góð…

Serbía er pöntuð!