AFSAKIÐ HLÉ

Ókei.

1. Hound Dog. Elvis. Spelkur. Hnjásveiflur og mjaðmahnykkir. Forrest Gump.

2.Sextánda öld. Tvær ættir á banaspjótum í Verónaborg. Ódauðleg ást. Byssusverð. Romeo & Juliet.

3. Ennio Morricone. Clint Eastwood.  Spaghetti. Spiladósar-vasaúr. For a Few Dollars More.

4. Sweet Jane. Juliette Lewis. Woody Harrelson. Morð. Limlestingar. Snilld. Natural Born Killers.

5. New York New York. Ekki bleyta þá. Ekki gefa þeim að borða eftir miðnætti. Ekki genabreyta þeim svo þeir fái geðveikt stóran heila og fari að tala með posh breskum hreim. Gremlins 2: The New Batch.

Náðist fyrir miðnættið. Getraunin er einföld í dag, allir ætt uað geta fengið fullt hús.  Einfalt: fimm tóndæmi, fimm kvikmyndir. Í fimmtu spurningu er sérstaklega spurt um kvikmynd sem var framleidd árið 1990.

1. Hvaða kvikmynd?

2. Hvaða kvikmynd?

3. Hvaða kvikmynd?

4. Hvaða kvikmynd?

5. Hvaða kvikmynd?

Það er hefð fyrir því að síðasta getraun mússíkmeistarans birtist á jóladag ár hvert. Nú hefur mússíkmeistaranum augljóslega seinkað svolítið, því að umsjónarmaður getraunarinnar var settur í gapastokk í tyrknesku fangelsi í þrjá mánuði (eða önnur líkleg skýring sem þið trúið betur).

Meistaranum verður því í þetta sinn framlengt yfir á nýárið, en engu að síður mun birtast getraun á jóladag, svo að keppendur geta farið að undirbúa sig andlega.

Annað smáatriði: Ég stóð í ujppfærslu á öllu kerfinu í síðustu viku, og allt draslið hvarf og fokkaðist royally upp, eins og gerist alltaf þegar ég uppfæri besserwissið. Fastir liðir eins og venjulega. Uppfokkið var með mildara móti í ár, en hafði hins vegar þá leiðu aukaverkun að stigatölurnar sem komnar voru í hús hurfu með manni og mús. Man einhver hvernig stigin stóðu?

… á alþekktu skilti nú á dögunum, hefur besserwissið ákveðið að endurbirta gamla færslu sem fjallaði einmitt um þetta ákveðna skilti. Gerið svo vel:

Þessi frétt var í netmogganum áðan:

Páfi hyggst heimsækja Auschwitz-búðirnar
Upprunalega skiltið yfir hliði Auschwitz-fangabúðanna í suðurhluta Póllands verður hengt upp að nýju á meðan á fyrirhugaðri heimsókn Benedikts XVI páfa í búðirnar stendur en skiltið, sem á stendur „Arbeit macht frei” hefur verið tekið niður til viðgerðar.
Páfi, sem er þýskur, hefur beðið sérstaklega um að fá að heimsækja Auschwitz í heimsókn sinni til Póllands þann 25. til 28. maí næstkomandi.
Að minnsta kosti 1,1, milljón manna lét lífið í Auschwitz-Birkenau búðunum á tímum síðari heimsstyrjaldarinnar, flestir þeirra í gasklefunum. Þeir sem ekki voru leiddir beint í gasklefana skráðu sig hins vegar til þrælkunarvinnu undir skiltinu sem um ræðir.

Sjá menn þetta ekki alveg fyrir sér:

“Er það hér, undir þessu skilti, sem maður skráir sig í þrælkunarvinnuna? Já ég ætla þá að skrá mig, þrælkunarvinnu fyrir einn takk fyrir, það var allt fullt í gasklefunum…”

Lesa yfir strákar, kommon.

Fólk virðist vera að upphlaða morfísmyndum á Facebook um þessar mundir. Hresst. Ég stal þessum tveimur, þær eru bara einum of mikil epík. 2006 og 2008, respectively.

Ástæðan fyrir því að ég ætla aldrei að fara í Cruise um heimshöfin…

Það vottast hér með að Gunnar Örn og Þrígifta gengið á Bretlandseyjum deila toppsætinu í fjórðu umferð með 8 stig. Svör voru eftirfarandi:
1. Paul Anka.
2. Það voru Boy George, Paul Weller, Paul Young og Sting sem héldu því fram að ekki yrði snjór í Afríku um jólin, nægilegt var að nefna einn þeirra. Það var svo auðvitað Bono sem þakkaði fyrir ógæfu annarra.
3. The Band.
4. Mary’s Boy Child með BoneyM
5. Brian Jones, Jimi Hendrix, Janis Joplin, Jim Morrison, Kurt Cobain.

Ég sit í nefnd á vegum Menntamálaráðuneytisins. Þar þarf ég að kunna skil á lagareglum, málsgreinum, töluliðum og reglugerðum til að samfélagið haldist gangandi.

Ég er orðinn hluti af kerfinu.

Það er engin getraun í dag, þið getið farið heim og slappað af,
tekið ykkur sturtu eða farið í bað,
ahahahæ…..ahahahó….

Þessa viku er ég að vinna að verkefninu indefence.is. Verkefnið snýst um að fá sem flestar undirskriftir gegn notkun Breta á hryðjuverkalögum gegn Íslendingum. Undirskriftirnar verða afhentar breskum stjónvöldum um mánaðarmótin og þegar þetta er skrifað hafa tæplega 58.000 manns skrifað undir áskorunina.

Ég hvet alla til að kynna sér þetta verkefni, lesa áskorunina og skrifa sig undir hana ef þeir eru sammála því sem þar kemur fram. Þeim mun fleiri sem skrifa undir, þeim mun meiri áhrif mun þetta mögulega hafa. indefence.is er ópólitískt verkefni sem er ekki tengt þeim mótmælumsem farið hafa fram með misjöfnum hætti undanfarna daga. Það snýst ekki um pólitískar persónur eða stefnumál, heldur hagsmuni og orðspor íslensku þjóðarinnar erlendis.

Nú þegar hefur verkefnið vakið gríðarlega athygli erlendis og umfjöllun um það hefur birst á forsíðum margra helstu prent og vefmiðla í bandaríkjunum, Bretlandi, á norðurlöndunum o.fl. Má þar nefna BBC, Financial Times, The Independent, Daily Telegraph, Times og Daily Mail. Greinarnar má lesa hér, á vefsíðu indefence.is

Þessa viku verður starfrækt upplýsingamiðstöð á jarðhæð gömlu Moggahallarinnar við Ingólfsorg þar sem gestir geta aflað sér upplýsinga um verkefnið, hringt í vini og kunningja innanlands og erlendis og vakið athygli á verkefninu, sent tölvupóst eða auglýst á Facebook, nú eða bara fengið sér kaffisopa í kuldanum. Fótgönguliðar verða einnig á ferðinni í miðbænum, í Kringlunni og í Smáralindinni til að kynna verkefnið.

Á föstudagseftirmiðdaginn er svo stefnt að því að slá botninn í starfssemi upplýsingamiðstöðvarinnar með Krepputónleikum á Ingólfstorgi.

Yfirleitt tek ég nú ekki þátt í svona “mememememememeum” á internetinu, en þegar menn á borð við Hö senda manni klukk þá verður ekki undan skorast. Auk þess er ég í vetrarfríi og hef ekkert betra við líf mitt að gera næstu tíu mínútur. Þannig að’ hér er einhver listi um fjölmörg fjögur atriði:

1. Fjögur störf sem ég hef unnið um ævina:

Ég hef ákveðið að í tilefni ferlegustu fjármálafrétta sem ég (og allir aðrir undir áttræðu) hef orðið vitni að á lífsleiðinni að þetta blogg skuli í snarhasti breytast í málgagn gleði og gáska. Hér verða tómar hamingjufréttir sagðar af heiminum um óákveðinn tíma, undir vökulu auga harðstjórnar félaga Pollýönnu. Það er einfaldlega ekki á bölið bætandi með einhverjum bloggleiðindum! Jóhannes fýlupúki hefur því verið lokaður inni í efsta herberginu í hæsta turninum.

Ég ætla sannarlega ekki að blogga um það Ef þið viljið svoleiðis má benda á haug af moggabloggurum sem hafa ekkert betra við líf sitt að gera en að endursegja mbl.is.

Á morgun fer ég í hina árlegu Þórsmerkurferð með 10. bekkinga. Það er alltaf gaman, sérstaklega vegna þess að þá fæ ég að pína unglingana, fremur en öfugt. Í þessari ferð eru nefnilega gönguferðir. Jájá, margar. Og það er ekki það sem stór prósenta 15 ára fólks finnst aðlaðandi skemmtan, sérstaklega ekki í vondu veðri. Þau bara skilja ekki fegurðina í því að berjast hundblautur á móti snarbiluðu íslensku skítaveðri með láréttri rigningu og ískrandi vindhviðum sem smjúga inn um hvert op á hlífðarfatnaðinum.

Í fyrra var til dæmis akkúrat þannig veður þegar við gengum Tindfjallahringinn, réttir fjórir tímar af fjöri þar! Snældubiluð austanátt með skítarigningu inn af jöklinum. Verður ekki betra. Og það verður að segja krökkunum það til hróss að mikill meirihluti lét sig hafa það að halda áfram þegar boðið var upp á að snúa við eftir klukkutíma. Og höfðu mörg hver gaman af, þó sum hafi séð eftir því og séð heitt kakó og kex í hillingum alla leiðina. Það var nefnilega ekki rok akkúrat þeim megin við fjallið þegar þau máttu snúa við . Allt útpælt af lymskulegum kennurum auðvitað.

Svo er líka alltaf skemmtilegra þegar það er skýjað á nóttunni þarna innfrá. Þá er ekki bévað tunglsljósið að eyðileggja fyrir manni möguleikann á því að stökkva skyndilega út úr nóttinni að myrkfælnum sálum á leið á klósettið og lauma að þeim einu hressilegu böö.