Fimmta getraun er helguð þekkingu besserwissera á klassískri tónlist. Hér er ekkert Gúúgl heimilt frekar en síðast, aðeins skal reyna á heilabörkinn. Þetta er létt verk og löðurmannlegt, því spurningin er einföld í öllum tilfellum: Hver samdi verkið?

1. Rakarinn frá Sevilla?

2. Die Fledermaus, eða “Leðurblakan”?

3. Nabucco?

4. Danse Macabre?

5. Svanavatnið?

6. Carmen?

7. Don Giovanni?

8. La Boheme?

9. Pétur og Úlfurinn?

10. Brúðkaupsmarsinn (þessi hefðbundni)?
(Akademían var að átta sig á því að hér getur að sjálfsögðu verið um tvo marsa að ræða, þann sem leikinn er þegar brúðurin gengur inn og þann sem leikinn er þegar brúðhjónin ganga út. Þar sem þeir eru eftir sitt hvort tónskáldið skulum við hér gefa rétt fyrir hvorn sem er eða báða.)

Ég tek ofan fyrir manninum sem kom í Kastljósið til að hvetja fólk til að hætta að borga húsnæðislánin sín. Það er ekki hver sem er tilbúinn að opinbera eigin heimsku á þennan hátt fyrir framan alþjóð. Að hætta að borga húsnæðislánin sín hefur nefnilega bara eitt í för með sér: Að maður hættir að eiga íbúð mjög hratt. Nú sá ég ekki þetta viðtal, en var maðurinn spurður að því hvaða framhaldsráðleggingar hann hefði til fólks þegar að því kæmi að það ætti heima í bílnum sínum eftir að hafa farið að ráðum hans?

Af hverju er svona fólki hleypt í sjónvarp? Er þetta nýr dagskrárliður í Kastljósi, “Heimskingjar spjalla“?

Það var mikið að mússíkantar þessa lands tóku sig til og neituðu að borga fyrir að láta tilnefna sig til þeirrar illa lyktandi taðhrúgu sem íslensku tónlistarverðlaunin eru. Tónlistarmenn á mála hjá Kimi Records hafa ákveðið að sniðganga verðlaunin til að mótmæla þessu úrelta apparati. Segja þeir að „…íslensku tónlistarverðlaun ættu að vera verðlaun fyrir alla íslenska tónlist en ekki bara fyrir þá tónlist sem sækir um að vera íslensk tónlist“

Þetta er einmitt það sem ég er búinn að halda fram í mörg ár, enda eru íslensku tónlistarverðlaunin fáránlegt fyrirbæri sem best væri að við losnuðum við úr lífi okkar sem allra fyrst. Eina íslenska verðlaunaapparatið sem er heimskulegra en íslensku tónlistarverðlaunin er Eddan. Hvaða rugl er það að tilnefna þrjár kvikmyndir til verðlauna þegar ársmeðaltal kvikmynda sem eru framleiddar á íslandi eru þrjár?

Mig langar að hafa vinnuna sem þessi gaur hefur. Mig langar ennþá meira í hæfileikana hans. Hell, mig langar að vera þessi gaur. Það eina sem ég vil ekki við þennan gaur, er að vera hann þegar Satan kemur að rukka sálina…

Það vottast hér með að Gunnar Örn og Þrígifta gengið á Bretlandseyjum deila toppsætinu í fjórðu umferð með 8 stig. Svör voru eftirfarandi:
1. Paul Anka.
2. Það voru Boy George, Paul Weller, Paul Young og Sting sem héldu því fram að ekki yrði snjór í Afríku um jólin, nægilegt var að nefna einn þeirra. Það var svo auðvitað Bono sem þakkaði fyrir ógæfu annarra.
3. The Band.
4. Mary’s Boy Child með BoneyM
5. Brian Jones, Jimi Hendrix, Janis Joplin, Jim Morrison, Kurt Cobain.

Mér finnst þetta fyndið.

Hér er fjórða getraun. Harðbannað að Gúgla nokkurn skapaðan hlut. Þetta er bara heilaleikfimi.

1. Hver samdi enska textann við lagið “My Way”? (1)
2. Hverjir syngja línurnar “…there won’t be snow in Africa this Christmas time…” og “…thank God it’s them instead of you…” í upprunalega Live Aid laginu? (2)
3. Hvaða hljómsveit lauk hljómleikaferlinum árið 1976 með stórtónleikum sem voru seinna gefnir út sem heimildamyndin “The Last Waltz”? (1)
4. Hvaða vel þekkta jólalag sat á toppnum á breskum vinsældalistum um jólin 1978? (1)
5. Nefndu fimm heimsþekkta tónlistarmenn sem létust þegar þeir voru 27 ára. (5)

Mér var bent á það um daginn af dyggum lesanda að besserwissið væri orðið hálf skoðanalaust í seinni tíð. Mér til hrellingar sá ég að það er alveg rétt. Úr því verður bætt héðan af.

Til að byrja með skal lesendum boðið að spyrja besserwisserinn að hverju sem er í kómentum, hvort sem er um persónulega hagi eður skoðanir og yður mun svarað verða á eins óþveginn hátt og þurfa þykir.

Athugið að svör besserwissins eru skrifuð beint inn í upprunalegu kommentin.

———–
ps. Þar sem komið hefur í ljós að vísindavefur besserwissins nýtur fádæma vinsælda hefur verið stofnaður sérstakur færsluflokkur fyrir hann (Vísindavefur besserwissins). Ekki er loku fyrir það skotið að oftar verði boðið upp á besserwiss með þessum hætti.

Ég sit í nefnd á vegum Menntamálaráðuneytisins. Þar þarf ég að kunna skil á lagareglum, málsgreinum, töluliðum og reglugerðum til að samfélagið haldist gangandi.

Ég er orðinn hluti af kerfinu.

Hér var langur og leiðinlegur póstur um morfískeppni. Þegar ég var búinn að skrifa hann og birta hann og láta hann standa í svona klukkutíma, komst ég að því að mig langaði barasta ekkert að hafa hann hérna, og hafði því síður langað til að skrifa hann til að byrja með. Þannig að ég barasta eyddi honum. Ef einhverja langar að vita skoðun mína á þessari morfískeppni verður sá hinn sami barasta að skoða dómblöðin eða spyrja.
—
Ókei, ég skal gefa ykkur útdrátt.
1. Efnið var erfitt, bæði lið voru með götótta póla. MHingar voru með mun götóttari pól, efnið var til dæmis ekki um hvort lífið þyrfti að hafa tilgang, heldur hvort það hefði hann. MH voru hins vegar með mun betri flutning í heildina og unnu út á það.
2. Svörin voru arfaléleg hjá báðum liðum. Þumalputtaregla: Ef það er ekki solid rakapunktur sem hittir í mark í svari, þá gef ég ekkert fyrir það. Lókalhúmor er ekki líklegur til árangurs á dómblaði. Einnig voru dómarar sammála um að hrokagikksháttur eins og bifvélavirkjagrínið færi bara í taugarnar á þeim, en væri ekkert sniðugt. Þumalputtaregla: Það sem fær salinn þinn til að hlæja getur vel virkað þveröfugt á dómarana. Arnmundur þarf af sömu ástæðu að hætta að tala um sjálfan sig sem hálfguð, það er einfaldlega hvorki fyndið né gott efni að eyða hálfri ræðunni í sjálfsupphafningu. Það fór mjög í taugar allra dómaranna.
3. Framsaga Borgó var ein af toppræðum sem ég hef séð ever. Ég set hana hiklaust á stall með framsögunni hans Orra Jökuls í “Listamenn eru aumingjar sem nenna ekki að vinna“, Hættum að lifa af og byrjum að lifa ræðunni hans Jóhanns Alfreðs í “Drögum Ísland suður á bóginn“, Ecstacy of Gold ræðunni hans Gunnars Arnar í “Íslensk æska“, Píanóræðunni hans Gunnars Jónssonar í “Útrýming kynþátta” og fleiri slíkum hápunktum morfíss síðustu ára. Undir lokin á ræðunni hugsaði ég bitur með mér að ég hefði verið til í að búa til þessa snilld. Öfundaðist. Ég öfunda. Allar þessar ræður gáfu mér gæsahúð, og Þórði tókst að láta hríslast um mig gæsahúð einum þrisvar sinnum í þessari ræðu. Hvað getur maður beðið um meira? Til hamingju Borgó, þessi ræða fór á spjöld sögunnar.
4. Og já, það er vitlaus Katrín í MH liðinu. Þessi Katrín var mjög skemmtileg týpa og alveg fínn ræðumaður. En hin Katrínin er bara svo miklu, miklu, miklu betri. Og ég hreinlega neita að reyna að vera hlutlaus og liggja eitthvað á þeirri skoðun.
5. Nú fáið þið ekki meir.

Ég er að hlusta á plötuna sem rokkarar veraldarinnar eru búnir að bíða eftir, hlæja að, eða hvort tveggja í heil fimmtán ár. Já gott fólk, Chinese Democracy er loksins komin út. Guns ‘n’ Roses tókst loksins að drulla út þessari plötu sem Axl Rose er búinn að vera að lofa í viðtölum í heil fimmtán ár. Lengi vel héldu menn að þessi plata væri one for the myths, eitthvað sem aldrei kæmi út, eins og Duke Nukem 4, plata sem allir myndu sjá eftir að aldrei hefði birst eftir að Axl óverdósaði inni á hótelherbergi í Vegas með fimm strippurum og góðvini sínum Sebastian Bach á kókaíntrippi í heita pottinum. Trúið mér, I have forseen it. En karlinn kom allavega Kínalýðræðinu út fyrst. Það er massífur árangur, sem þótti svo ólíklegur að Dr. Pepper lofaði að gefa hverjum einasta Bandaríkjamanni dós af gosi ef platan kæmi einhverntíma út. Og getið hvað, í dag er hægt að skrá sig hér og fá fría flösku af Dr. Pepper í tilefni útgáfudagsins. Þetta kallar maður að standa við gefin loforð

En platan já. Ef satt skal segja átti ég ekki von á miklu. Það eru jú komin 17 ár síðan Use Your Illusion I og II komu út, sama ár og Nevermind, og á þessum 15 árum er töluvert mikið tónlistarvatn runnið til sjávar. Nirvana umbylti rokkinu og hvarf, grunge-ið fæddist og dó, death metallinn átti sín sokkabandsár (hver man ekki eftir Sororicide?) og hvarf svo ofan í undergrándið, hardcore-ið tók yfir sem tónlist anarkista og annarra alvöru hörkutóla og fór svo að smitast yfir í mainstream mússík, Nu-metallinn spratt upp og gat af sér Korn og svipaðar sveitir en jafnvel Korn lyppaðist út af vinsældalistum á fáeinum árum, og svo framvegis og svo framvegis.

Hljómsveitir sem hafa dáið drottni sínum eða horfið af vinsældalistum á meðan Guns ‘n’ Roses dunduðu við Chinese Democracy eru of margar til að telja upp, en það eru engin smámenni. Nirvana, Pearl Jam, Limp Bizkit, Hole, Green Day, Blink182, Marilyn Manson, Korn, 2Pac, Smashing Pumpkins, R.E.M, Alice in Chains, Soundgarden, Audioslave, Rage Against the Machine, Faith No More, Blur, Oasis, Primus, Jane’s Addiction, Pantera, Dream Theater, Bush og svo mætti lengi telja. Bara það að hafa lifað allt þetta af hlýtur að teljast einhvers konar afrek hjá Axl, Slash og félögum. Næstu Stones?

Og útkoman? Já Útkoman er bara töluvert mikið betri en ég átt ivon á. Á dögunum rantaði ég hér pistil um það hvers vegna Metallica er öööömurleg hljómsveit sem gefur bara út útþynntar útgáfur af útþynntu efni síðustu útþynntu metaldraslplatna. Ég átti alveg eins von á þvi að Chinese Democracy félli í sama flokk. Það gerir hún hins vegar ekki.

Það ótrúlega er nefnilega að þrátt fyrir augljósa 90’s takta inn á milli þá er Chinese Democracy bara alveg ágæt plata sem er bara gaman að hlusta á. Það eru jafnvel eitt eða tvö ferlega góð lög af þessum fjórtán. Þetta er Guns ‘n’ Roses plata alla leið. sami rifni gítarinn, sami kreisí söngurinn, sami snilldarfílingurinn og í gamla daga. Ekki misskilja mig, þessi pata er engin Use Your Illusion, en þetta er þrusufín nostalgíuplata með fínum nýjum töktum í bland. Við skulum ekki gleyma því að Guns ‘n’ Roses voru alltaf miklu betri hljómsveit heldur en Metallica, alltaf miklu minni metall og miklu meira rokk. Það gerir það að verkum að þeir falla miklu betur að nútímanum. Því þótt það sé góður slurkur af metal og væn skvetta af glami a þessari plötu, þá er hún fyrst og fremst bara rokk sem ætti í rauninni heima á hvaða tímabili sem er eftir c.a. 1988. Svo má auðvitað bæta því við að það er bara eitt lag undir 9 mínútum og flest eru 10-13 mínútur, sem er massíft. Ekkert verið að klippa niður í þrjár mínútur til að þóknast útvarpspöbulnum hér.

Eitt er sérstaklega ánægjulegt og það er að metalballaðan er hér endurvakin með trukki. Hver hefur ekki í alvöru saknað þessara rólegu metalstykkja með Axl í rólegheitunum, sem kikkar svo inn í háa céið í viðlaginu? Ég meina, þetta hefur ekki verið gert almennilega síðan Don’t Cry var og hét. Þetta gerir einfaldlega enginn betur en G’n'R og öllum (a.m.k. mér) að óvörum tekst þeim að ná þessum mómentum aftur á þessari plötu. Bendi t.d. á lögin Scraped og This I Love. Að öðrum ólöstuðum er This I Love besta lagið á plötunni (eftir eina hlustun).

Nú er þetta orðin ágæt upphafning á þessari plötu svo við skulum taka hana aðeins niður. Það eru auðvitað þarna inn ná milli alveg skelfileg lög, hryllilegir textar og almennt voðaleg tónlist. En það er þess virði að hlusta á plötuna samt sem áður. Besserwissið mælir með Chinese Democracy, þó ekki væri nema bara fyrir nostalgíuna.

Það er engin getraun í dag, þið getið farið heim og slappað af,
tekið ykkur sturtu eða farið í bað,
ahahahæ…..ahahahó….

Þá er það einfaldleikinn á ný. Ég óttast að þetta sé allt of létt.

1. Tóndæmi 1 - Hver syngur og eftir hverju er lagið nefnt? (2)

2. Tóndæmi 2- Hvað heitir lagið og hver er alþekktasti coverflytjandi þess? (2)

3. Tóndæmi 3 - Hver syngur og hvað heitir lagið? (2)

4. Tóndæmi 4 - Hver syngur? (1)

5. Tóndæmi 5 - Hver syngur? (1)

Þetta var á mbl í dag:

Ástralir … segja ekki nauðsynlegt að drepa hvali til að rannsaka þá og beina Ástralir spjótum sínum að Japönum sem drepa tæplega 1000 hvali á ári undir yfirskyni vísindaveiða. Hvalveiðifloti Japana er að leggja úr höfn til árlegra hvalveiða á Suðurskautslandinu. Japanar ætla að veiða tæplega þúsund dýr, 935 hrefnur og 50 langreyðar.

Landhveli? Er það nú matur?

A.
1. Southern Man með Neil Young
2. Seasons in the Sun, hér í flutningi Nirvana, með Kurt á trommur, Dave á bassa og Krist á gítar. Upphaflega gefið út á frönsku með Jaques Brel, upphaflega gefið út á ensku með Terry Jacks. Hvort tveggja fékk rétt.
3. Midnight Special, hér í flutningi Credence Clearwater Revival. Upphaflega gefið út af Huddie Ledbetter (Ledbelly).
4. Pick a Bale of Cotton með Huddie Ledbetter.
5. Sweet Home Alabama, hér í flutningi Leningrad Cowboys og kórs Rauða Hersins. Upphaflega gefið út af Lynrd Skynrd.

B.
Hér er um auðugan garð að gresja, en það sem ég var svona helst að leita að er t.d. þetta hér:
1. Sweet Home Alabama er beint svar við lögunum Alabama og Southern Man eftir Neil Young. Bæði “Southern man” og “Mr. Young” koma t.d. fram í textanum.
2. Midnight Special er upphaflega gefið út af Leadbelly. Á þessari Credence plötu voru tvö lög eftir hann.
3. Nirvana hóf glæstan feril sinn sem Credence Clearwater Revival coverhljómsveit, og endaði hann á flutningi Leadbellylagsins Where did you sleep last night (á Unplugged in New York).
4. Leadbelly var fyrsti flytjandi bæði Pick a Bale of Cotton og Midnight special. Þessi lög eru bæði nokkurs konar negrasálmar frá Suðurríkjum Bandaríkjanna, Midnight special þó meiri fangelsissálmur. Upptaka Leadbellys var t.d. gerð í einu slíku.

C. Þemað er um það bil svertingjar í suðurríkjum Bandaríkjanna. Eina lagið sem ekki passar inn í það er Seasons in the Sun, sem er upprunalega franskt og er í þokkabót gefið út á ensku af Kanadamanni.